2013 жылғы 16-21 қаңтар аралығында Омск қаласында «Золотая Сибирь» атты ІV Халықаралық өнер байқауы өтті. Музыкалық сайыс  әртүрлі номинациялар бойынша өткізілді: үріп ойнау және соғып ойналатын аспаптар, ішекті аспаптар, академиялық және эстрада вокалы, халық аспаптары.

Байқауға Ресейдің әртүрлі қалаларынан: Новосибирск, Нефтеюганск, Ангарск, Нижневартовск, Магнитогорск, сонымен қатар Қазақстаннан, Атырау мен Қарағанды қалаларынан қатысушылар келді.

Қарағанды қаласының №1 балалар музыка мектебінің оқушылары В.Я. Шебалин атындағы Омск музыка училищесінің сахнасында өз өнерлерін көрсете білді. Кусаинова Лия «Ішекті аспаптар» номинациясында және Оспанова Зарема «Үріп ойнау және соғып ойналатын аспаптар» номинациясында ІІІ деңгей лауреаттары атанды. Лысенко Анастасия «Эстрада вокалы»  номинациясында  ІІ деңгей  лауреаты  атағына ие болды.  

Балаларды және  жетекшілерін жеңіспен құттықтап, шығармашылық табыс тілейміз!