Астана қаласында (StudyInn) жұмыс істейтін халықаралық деңгейдегі (Мальта) ағылшын тілі пәнінің мұғалімі Тео Наварро семинар-тренинг барысында эксперименталды мектептердің бірінші сыныптарда сабақ беретін мұғалімдермен кіші сыныптардың оқушыларын оқыту бойынша практикалық тәжірибесімен бөлісті. Ағымдағы оқу жылы қаланың 10 мектебінде апробациядан өтіп жатқан Camdridge University Press басылымының оқу-әдістемелік кешені оқушылардың және мұғалімдердің шығармашылығы үшін үлкен мүмкіндіктер береді. Ойындар, рифмалық тақпақтар, өлеңдер, шағын қойылымдар - бастауыш мектептеріндегі сабақтың  маңызды бөлігі. Семинар барысында әр мұғалім оқушының «орнында» болып, нағыз әртістің рөлін атқарды. 

Мұғалімдердің жалпы пікірлері: осындай тренингтер өзекті, өйткені орта және жоғары сыныптардағы мұғалімнің жұмысы  кіші сыныптарда шетел тілін балаларға үйрету әдістемесінен айрықша; тілді меңгергендермен семинарларды жиі өткізу қажет; шетел басылымдары өкілдерімен қызметтестік қарым-қатынасты жалғастырамыз деген сенімдеміз.