Қарағанды қаласы білім бөлімінің қолдауымен 2013 жылғы 12 қаңтарда Қасым Аманжолов атындағы балалар музыка мектебінде «Сарыарқа саздары» атты қалалық байқау өткізілді.

Іс-шара өскелең ұрпаққа эстетикалық тәрбие беру, оқушылардың орындаушылық қабілеттерін жетілдіру; халық музыкалық аспаптарында орындауды насихаттау, сонымен қатар дарынды балаларды қолдау мақсатында ұйымдастырылды. 

Байқауға Қарағанды қаласының балалар музыка мектептерінде, өнер мектептерінде және Саран қаласының музыка мектебінде оқитын 60 оқушы қатысты. 

Әртүрлі номинацияларда анықталған жеңімпаздар Қарағанды қаласы білім бөлімінің грамотасымен марапатталды.