Қарағанды қаласының білім бөлімі Қазақстан Республикасының Тәуелсіздік күні қарсаңында «Гүлдене бер, менің Қазақстаным!» атты қалалық шығармашылық конкурсын өткізді.
Конкурс өскелең ұрпаққа патриоттық және эстетикалық тәрбие беру, дарынды балаларды қолдау мақсатында ұйымдарстырылды.
Конкурсқа қарағандылық оқушылардың 400 астам әртүрлі жұмыстары ұсынылды. Олардың ішінде: суреттер, кестелер; ермексаздан, маржандардан жасалынған жұмыстар және тағы да басқалары.
Конкурстық комиссияның құрамына білім бөлімінің мамандары, өнер саласының және ата-аналар қауымдастығының өкілдері кірді. Олар конкурстың жеңімпаздарын бірнеше номинациялар бойынша анықтады: маржандардан, моншақтардан, жіптерден жасалынған жұмыстар; тігу және тоқу; сурет салу; мүсіндеу; макеттер және модельдер.
Конкурстың жеңімпаздары Қазақстан Республикасының Тәуелсіздігі күніне арналған гала-концерт барысында марапатталады.
Авторство:
