№95 мектеп-гимназияда 2012 жылғы 11 желтоқсанда «Патриоттық тәрбие - оқушылардың жеке тұлғасын дамытудағы басты бағыт» тақырыбында  қала мектептері директорларының тәрбие ісі жөніндегі орынбасарлары және алғашқы әскери дайындық пәнінің мұғалімдері үшін қалалық семинар өткізілді. 

Семинар білім ұйымдарының тәрбие жұмысын жетілдіру, жұмыс тәжірибесімен алмасу, қазақстандық патриотизм рухында балалар мен жеткіншектерді тәрбиелеу жұмысы бойынша  жаңа жолдарды айқындау мақсатында ұйымдастырылды.

Семинар барысында  №95 гимназияның тәрбие жұмысының  тұсаукесері, мектептегі үйірмелер мен секциялардың жұмысымен танысу, 3 және 8 сыныптарда тақырыптық іс-шаралар, оқушылардың - мектептегі полицияға қолғабыс ету шұғыл жасағы мүшелерінің,  сонымен қатар жол қозғалысы жас инспекторлар жасағының және тағы басқа көрсетілімдері ұсынылды.  

Семинар соңында қала мектептерінің тәрбие жұмысын одан әрі жетілдіру бойынша ұсыныстар шығарылды.