Қазақстан Республикасының Тұңғыш Президенті Күні Қарағанды қаласында әртүрлі мерекелік іс-шаралар өтті. Оларға білім ұйымдарының оқушылары мен мұғалімдері белсене қатысты. Кішкентай қарағандылықтар және олардың ата-аналары үшін Республика даңғылындағы балалар алаңында қозғалысты ойындардан, эстафетаралардан және мини-футболдан тұратын қызықты спорттық бағдарлама ұйымдастырылды. Сонымен қатар, қала тұрғындары үшін мерекелік киіз үй құрылып, онда әр адам ұлттық тағамдардан дәм татты.

Мерекелік флеш-моб және қала білім ұйымдарының шығармашалық ұжымдары дайындаған концерттік бағдарлама  «Шахтер» стадионы алдындағы алаңда өткізілді. 

Мерекеге арнайы қаланың барлық мектептерінде Елбасының бастамасымен құрылған «Жас Ұлан» бірыңғай балалар мен жасөспірімдер ұйымының қатарына оқушыларды салтанатты қабылдау өткізілді. Қабылдаулыр соңында мұғалімдер мен ата-аналар үшін мерекелік концерттер ұсынылды.