Қарағанды қаласы білім бөлімінің бастамасымен Қазақстан Республикасы Тұңғыш Президентінің Күні қарсаңында 2012 жылғы 21 қарашада №101 мектеп-лицейде ашылған Қазақстан Республикасының Тұңғыш Президенті Н.Ә. Назарбаевтың Залында  «Тұңғыш Президент – Ұлт көшбасшысы» тақырыбында  дөңгелек үстел отырысы өткізілді. 

Педагогикалық еңбек ардагерлерінің, «Еліме ерен еңбегім» облыстық үгітпоезды қатысушыларының және қала мектептері оқушыларының қатысуымен  өткен отырыс барысында Тұңғыш  Президент

Н.Ә. Назарбаевтың басшылығымен Қазақстанның жетістіктері, сонымен қатар өскелең ұрпақта патриоттық сезімді және өз елінің болашағы үшін жауапкершілікті тәрбиелеу мәселелері талқыланды.  

Отырыс соңында облыстық үгітпоездының қатысушылары және оқушылар Қарағанды мемлекеттік техникалық университетінің  студенттерімен кездесуге қатысты. Оқушыларды еліміздің Тұңғыш Президенті Н.Ә. Назарбаев оқыған ҚарМТУмен таныстыру  университеттің «Үздік түлектерінің галереясын» және Елбасы туралы кітаптар көрмесін  тамашалаудан басталды.

ҚарМТУ студенттерімен кездесуде оқушыларға «Жас Орда» атты студенттік кәсіптік ұйымның, ҚарМТУ жанындағы «Ақниет» қайырымдылық ұйымның және  «Қазақстан студенттерінің Альянсі» РСҚ жұмыстары жөнінде ақпарат ұсынылды. Кездесу  университеттің мұражайына экскурсиямен аяқталды.