Қарағанды облысының кәсіпкерлер Ассоциациясы Қарағанды қаласы білім бөлімімен және Қарағанды мемлекеттік техникалық университетімен бірлесе отырып, «Біз-қарағандылықпыз» атты фестиваль аясында оқушылар мен студенттер арасында «Қарағандының ғылыми потенциалын жетілдіру аймақтың бәсекеге қабілеттілігін қалыптастыру факторы» тақырыбында ғылыми-практикалық конференция өткізді. 

Конференция оқушылар мен студенттер әзірлеп және іске асырып жүрген жаңа идеялар мен жобаларды ұсыну арқылы аймақтың ғылыми потенциалын қалыптастыру, өскелең ұрпақтың және жастардың белсенді азаматтық ұстанымдарын дамыту мақсатында ұйымдастырылды.  

Студенттермен қатар  №9, 39, 92, 97 гимназиялардың, №16 орта мектептің оқушылары қала мен аймаққа арналған әртүрлі тақырыптарда  баяндамалар жасады. Қала мектептерінің оқушылары конференцияға тыңдаушылар ретінде де қатысты. Конференция соңында оқушыларға сертификаттар табыс етілді.