2020 жылдың 17 қараша Қарағанды қаласының арнайы педагогтар қауымдастығының жұмыс жоспары аясында «Ерекше білім беру қажеттілігі бар балалардың ұсақ моторикасын дамыту» вебинары өтті.

Вебинарға қатысушылар – Қарағанды қаласының мектепке дейінгі білім беру ұйымдарының логопедтері.

         Вебинарды ұйымдастырушылар: «Қарағанды қаласының білім бөлімінің әдіскері, «Айсұлу» бөбекжайы:  Оспанова Н.К. – тифлопедагог, Тоймбекова М.Н. – логопед, Смирнова Н.Р. – логопед. «Ақбота» бөбекжайы: Бордунова О.Н. – ПТБ тобының дефектологы, Алексушина В.В. – ПТБ тобының логопеді.  «Ертөстік» бөбекжайы: Таскалиева А.Б. – логопед.

          Семинар барысында ерекше білім беру қажеттілігі бар балалардың ұсақ моторикасын дамытуда сенсорлық интеграция негізінде ата-аналар мен педагогтардың өзара қарым-қатынасын ұйымдастыру, түзету жұмысында қолданылатын ойындар мен әдістемелер көрсетілді. Көз және тіл кемістігі бар балалармен үй жағдайында қолға арналған өзіндік массаж және массаж түрлерін қолдану бойынша ата-аналарға ұсыныстар әзірленді. Ерекше білім беру қажеттілгі бар балалардың ұсақ моторикасын дамыту құралы ретінде тестопластиканы қолдану бойынша қызықты жұмыс тәжірибесі ұсынылды.

Вебинарға қатысушылармен жүргізілген кері байланыс қорытындысы шараның жоғары дәрежеде ұйымдастырылғандығы және тақырыптың өзектілігі мен маңызды басымдылығын көрсетті.

Вебинардың барлық әзірлемелері  Google Класс веб-жүйесіне жүктелді.