Қарағанды қаласы білім бөлімінің жұмыс жоспарына сәйкес, 2012 жылғы 31 қазанда №5 орта  мектепте Қазыбек би және Октябрь аудандарының білім беру  қызметкерлері кәсіподақ ұйымы төрағаларының қатысуымен білім ұйымдары басшыларының мәжілісі өтті.

Мәжілістің күн тәртібіне сәйкес, география пәнінің оқытылу жағдайы, қала мектептерінде үйірме жұмысын ұйымдастыру, қамқоршылықтағы балалармен жұмыс жасау жөніндегі әлеуметтік педагогтардың жұмысы, сонымен қатар «Жеке және заңды тұлғалардың өтініштерін қарастыру тәртібі туралы» Қазақстан Республикасы Заңының орындалуы және іс жүргізу бойынша Қарағанды қаласының білім ұйымдарындағы атқарушылық тәртіп мәселелері қарастырылды.

Сонымен қатар, мәжілісте балалардың жазғы мезгіліндегі сауығуын және демалысын ұйымдастыру жөніндегі жұмыстың және «Жасыл алаң» қалалық байқауының қорытындылары жасалып, Қарағанды қаласы білім бөлімінің грамоталары мен алғыс хаттары табыс етілді.