2012 жылғы 15 қазанда №101 мектеп-лицейінде Қарағанды қаласы білім  ұйымдары  педагогтарының  Қазақстан Республикасы Білім және ғылым министрілігінің стратегиялық жоспарлау және ақпараттық технологиялар департаменті директорының орынбасары, республикалық ақпараттық-насихаттау тобының мүшесі Ақерке Абылайханқызымен  кездесу өткізілді. 

Аталған кездесу барысында Қазақстан Республикасының Президенті Н.Ә. Назарбаевтың «Әлеуметтік-экономикалық жаңғырту - Қазақстан дамуының басты бағыты» атты Қазақстан халқына биылғы  Жолдауының негізгі  бағыттары,  сонымен  қатар білім саласының одан әрі жаңғыртылуы жөніндегі маңызды мәселелер талқыланды. 

Жүзге жуық адам жиналған кездесуге Қарағанды облысының білімді дамыту оқу- әдістемелік орталығының директоры Қожахметова Г.Ш.; Қарағанды қаласы білім бөлімінің мамандары да қатысты.