Білім беру қызметкерлерінің тамыз педагогикалық кеңесі шеңберінде Қарағанды қаласының білім бөлімі онлайн-режимде ZOOM платформасында «Бастауыш білім беруді дамытудың өзекті мәселелері мен негізгі үрдістері» тақырыбында әдістемелік бірлестіктер басшылары мен бастауыш сынып мұғалімдерінің секциялық отырысы өткізілді.
Секция оқушылардың білім сапасын, бастауыш сынып мұғалімдерінің кәсіби құзыреттілігін арттыру мақсатында бастауыш білім беруді дамытудың өзекті мәселелері мен негізгі тенденцияларын талқылау мақсатында, шектеу шаралары кезінде жұмысты ұйымдастыру тәжірибесімен бөлісу үшін өткізілді.
А. Бөкейханова атындағы №76 ЖББОМ –тен А.Ж. Қашықбаева, Ж. М. Какимова, №45 гимназиядан С. С. Гуранская - бастауыш сынып мұғалімдері, Қарағанды қаласының №17 ЖОББМ директорының ОТЖ жөніндегі орынбасары А. С. Кенжебаева оқу үрдісін ұйымдастыру,танымдық белсенділік, функционалдық сауаттылықты дамыту, үй тапсырмасын мөлшерлеу бойынша зерттеу тәжірибелерінің нәтижелерімен бөлісті.
Секция жұмысы пікірталас түрінде өтті. Қатысушылар бекітілген нормативтік құжаттарды, шектеу шаралары кезеңінде орта білім беру ұйымдарында оқу процесін ұйымдастыру бойынша әдістемелік ұсынымдарды, кезекші сыныптардың жұмысын белсенді талқылады. Секция қорытындысы бойынша ұсыныстар қабылданды.
Авторство:
