"Қауіпсіз жаз - 2020" тақырыбында ата-аналар қоғамдастығымен "Отбасы сағаты" жұмысын ұйымдастыру бойынша тікелей эфир.

2020 жылғы 04 тамызда сағат 17.00-де ZOOM платформасы және Фейсбук көрсетілімі арқылы "Қауіпсіз жаз - 2020" тақырыбында "Отбасы сағаты" тікелей эфирі өткізілді.

"Судағы қауіпсіздік", "Терезеден құлау" мәселелері бойынша онлайн-аудитория алдында Қарағанды қаласының ТЖБ бас маманы азаматтық қорғау майоры Асет Талғатбекұлы Әшімов сөз сөйледі.

Өрт қауіпсіздігі ережелерін тыңдаушыларға Қарағанды қаласының ТЖБ бас маманы азаматтық қорғау майоры Маханов Асхат Сайранұлы еске салды.

Кәмелетке толмағандар арасындағы құқық бұзушылықтың алдын алу бойынша ата-аналар мен кәмелетке толмағандардың қылмыстық және әкімшілік жауаптылығын кезекті рет Қарағанды қаласының ЖПҚ бастығының орынбасары полиция подполковнигі Бағлан Мейрамұлы Макежанов түсіндіріп берді.

Тікелей эфир тыңдаушыларына Киднеппинг мәселелерін Қарағанды облысы Іскер әйелдер қауымдастығының және Қазақстан әйелдер Күштері альянсының мүшесі Маликова Эльмира Амангелдіқызы айтып берді.

Балалар үйдегі қауіпсіздігінің алтын ережелерін Назырова Ирина Нұрмұхамбетқызы еске салды және қауіпсіздік бойынша "Үйде жалғыз" ролигі көрсетілді.