«Қарағанды қаласының білім бөлімі» ММ 2020 жылғы 12 мамырда ZOOM платформасында «Жаңартылған білім беру мазмұны жағдайында педагогтардың кәсіби құзыреттілігі» атты тақырыбында XXII ғылыми-практикалық конференциясы өткізілді.

Конференцияны өткізу барысында Қарағанды қаласында мектепке дейінгі білім берудің проблемалары мен перспективалары туралы өзекті мәселелер қаралды. Секциялық отырыста балабақша педагогтарының баяндамалары тыңдалып,  талқыланды. Барлық баяндамалар өзекті сипатқа ие болды және қатысушылар белгілі бір қызығушылықпен қабылдады.

Мектепке дейінгі ұйымдарда ұлттық құндылықтарды насихаттаудың маңыздылығы мен қалыптасуы, сонымен қатар мектепке дейінгі жастағы балалардың логикалық ойлауын дамыту инновациялық технологиялары, мектепке дейінгі жастағы балалардың сыбайлас жемқорлыққа қарсы ойлауын дамыту жайында сұрақтар қарастырылып осындай проблемалық мәселелер және оларды шешу жолдары талқыланды. Секция жұмысы іскерлік, кәсіби деңгейде жүргізілгенін атап өткен жөн.

Конференция жұмысына мемлекеттік және жеке меншік мектепке дейінгі ұйымдардың 100 педагогы және мектепалды даярлық тәрбиешілері қатысты.

Педагогтар конференция секциясының жұмысын жоғары деңгейде атап өтті, мұндай жұмыс қажет және өзекті деп санайды. Конференция жұмысына қатыса отырып, мектепке дейінгі ұйымдардың педагогтары белгілі бір жұмыс тәжірибесін алды деп сенімдеміз