Қарағанды қаласының білім бөлімі 2012 жылғы 23 тамызында №81 орта мектебінде ағымдағы жылдың 01 тамыздан бастап 30 қыркүйекке дейін өткізіліп жатқан «Мектепке жол» атты жалпы республикалық акциясы аясында қайырымдылық іс-шарасын өткізді. 

Көптеген демеушілер, қаланың кәсіпкерлері әлеуметтік қорғалмаған отбасыларынан екі мыңнан астам балаларға кеңсе жабдықтары, мектеп және спорттық формасы ретінде көмек көрсетті. Өткен қайрымдылық іс-шарасы барысында акцияға екінші жыл қатысып жатқан Қарағанды мемлекеттік медицина университетінің өкілдері 30 оқушыға көмек көрсетті. Демеушілер ретінде «Казростехника» ЖШС және 15 жеке кәсіпкерлер де қатысты.  Жалпы іс-шарада 70 жуық балаларға сыйлықтар табыс етіліп, барлық қатысушылар үшін концерттік бағдарлама ұсынылды.

«Мектепке жол» акциясы аясындағы мектеп жасындағы балаларды білім ұйымдарында оқумен қамту бойынша және оларға әлеуметтік қолдау көрсету жөніндегі іс-шаралар  жалғастырылуда.