30 шілдеде «Салют» балаларды сауықтыру орталығында 3 кезең басталды. Бұл қала сыртындағы лагерьге 352 бала келді, оның ішінде 66 бала аз қамтылған отбасыларынан, 49 бала – асыраушысынан айырылған, 137 - көпбалалы отбасыларынан, 45 – жетім балалар және қамқорлыққа алынған балалар, одан басқа толық емес отбасы, «Бесоба» ауданында болған жағдайда панасыз қалған отбасы балалары, мүгедек балалар демалып жатыр. 20-дан астам балалар ата-аналар есебінен ақылы жолдамамен келген.

Лагерьдегі таза ауа, 6 уақыт тамақтану, демалу және танымдық іс-шаралар және   шығармашылық педагогикалық ұжымның барлығы балалардың көңілінен шықты. Лагерьдегі демалыс пен сауықтыру балаларға күш жинап, жаңа оқу жылын бастауға мүмкіндік береді деп сенеміз.