Қарағанды қаласының білім бөлімі Қарағанды облысы бойынша «Қазақстан студенттерінің  Альянсі» РСҚ және «Жасыл ел» ЖЕЖ бірлесе отырып, 2012 жылғы 5 маусымда демалыс және мәдениет Орталық саябағында қаладағы білім ұйымдары мектепішілік лагерьлерінен  балалардың қатысуымен «Аулалар мен мектептер таза қала үшін!» атты экологиялық акциясын өткізді. 

Акция «Таза қала. Таза өзен. Таза аула» жобасы аясында өскелең ұрпақты экологиялық  тәрбиелеу, балалар мен жасөспірімдер арасында қоршаған ортаға жауапкершіліктерін қалыптастыру мақсатында ұйымдастырылды.

Ойын-эстафета түрінде  өткізілген акцияға қала мектептерінің 4-5 сыныптардың оқушылары- жалпы 50 бала қатысты. Ойын қорытындысы бойынша қатысушыларға естелік сыйлықтар, ал  жеңімпаздарға - дипломдар мен сыйлықтар табыс етілді.