2012 жылғы 27-28 маусым аралығында Өскемен қаласында химия және биология пәндері мұғалімдерінің «Мектептегі жаратылыстану-ғылыми білім беру: XXI ғасырдағы қоғам, ғылым және технология» атты I съезі өтті.  Қарағанды облысынан 21 делегат қатысты. Қала мұғалімдерінің атынан қалалық білім бөлімінің химия және биология пәнінің әдіскері Л.Н.Саменова қатысты.

Съезде мектептегі жаратылыстану-ғылыми білім беруді жетілдірудің мәселелері  талқыланды.  Үш күн бойы Қазақстанның әр аймағынан және Ұлыбританиядан, АҚШ, Франциядан, Германиядан, Ресейден келген делегаттар тәжірибелерімен бөлісті және білім саласындағы жалпы проблемаларды талқылады. Съезд бағдарламасында  секциялық және пленарлық отырыстар өткізілді. Пленарлық отырысын Қазақстан Республикасының Білім және ғылым министрі Б.Т.Жумағұлов басқарды.