Оқу жылы аяқталып, барлық қорытындылар жасалды. Жаз - демалыс уақыты болғандығына қарамастан, Қарағанды қаласы мектептерінің ағылшын тілі  мұғалімдері демалысты өздерінің кәсіби деңгейлерін  арттырумен  байланыстыруда.

Мұғалімнің шеберханасында сабақтар ерекше формада өтуде. Эрик Калдвелл  Турнер  (Florida, Department of Education: Secondary Educator, Eric Caldwell Turner) және Кейти Родерс (АҚШ Бейбітшілік Корпусының волонтері)қарағандылық педагогтар үшін ағылшын тілін оқытудың қызықты әдістері мен тәсілдерін қолданумен 6 семинар дайындады. Семинарлар «Эрфольг» оқу орталығында «дөңгелек үстел» форматында ағымдағы жылдың 26 маусым мен 5 шілде аралығында өткізіліп  жатыр.

Жазғы шеберханада алған ақпаратты, ағылшын тілін оқытудың шетелдік әдістемелерінің элементтерін қаладағы мектеп педагогтары жаңа оқу жылында оқыту  үрдісінде  пайдаланады.