2020 жылдың 12 наурыз күні №63 ЖББОМ базасында ағылшын пәні мұғалімдерінің әдістемелік бірлестігінің «Заманауи сабақ қалай ұйымдастырылады?» тақырыбындағы семинары өткізілді. Семинарға 76 мектептен 83 мұғалім қатысты.

Семинардың басында мұғалімдер Macmillan әдіскерінің 2020-2021 оқу жылындағы 11-сынып оқушыларына арналған Macmillan Education баспасының Laser, Gateway ОӘК туралы ақпаратын тыңдады.

Келесі кезекте үш топқа бөлінген мұғалімдер ПШО тренері Е.Ф.Яловскаяның  «Мақсатқа қалай қол жеткізуге болады?», әдіскер С.К.Абеуованың «Сабақты жоспарлау: соңынан басына қарай»; №9 гимназия және №25 ЖББОМ ағылшын пәні мұғалімдері И.Р.Голынская мен Е.В Рахубалардың шеберлік сабақтарына қатысты.

Ұстаздар ағылшын пәнінен күнделікті сабаққа дайындық жөнінде, сондай-ақ, 9-сыныпты қорытынды аттестаттау туралы ұсыныстар алды. Рефлексия кезеңінде мұғалімдер шеберлік сынып форматындағы жұмыстың тиімділігін, жұмыс барысында әрбір қатысушының белсенді болуына мүмкіндік беретінін атап өтті.