2020 жылы 12 наурыздаҚарағанды қаласының білім бөлімі мен Е.А. Бөкетов атындағы Қарағанды мемлекеттік университетінің «Тұлғатану» ғылыми-зерттеу орталығының  бірлесуімен «Рухани жаңғыру» бағдарламасын жүзеге асыру аясында №103 мектеп-лицейінде «Әлімхан Ермеков және Тәуелсіз Қазақстан»  аймақтық ғылыми-практикалық конференциясы өткізілді. Іс-шараның бірінші бөлімінде Әлімхан Ермеков пен Алаш қозғалысына арналған мұражайдың тұсаукесер рәсімі өтті.  Мұражайдың  салтанатты ашылуына қаламыздың педагогикалық еңбек ардагерлері,  Қарағанды облысы аймағынан келген ұстаздар және қонақтар қатысты. Конференция  жұмысы «Әлімхан Ермеков және Алаш зиялылары: бір мақсат, бір мүдде», «Әлімхан Ермеков – тұлға, ғалым, ұстаз», «Әлімхан Ермеков – қоғам қайраткері», «Әлімхан Ермеков және қазақ мемлекеттілігі» бағыттары бойынша жүргізілді. Ғылыми конференцияға  қатысқан ең мазмұнды баяндамалар  І,ІІ,ІІІ дәрежелі дипломдармен марапатталып, қатысушыларға сертификаттар табысталды.