Қарағанды қаласы әкімдігінің үлкен залында 2012 жылғы 19 маусымда қала әкімі Б.Т. Әбдішевтің қатысуымен білім ұйымдары басшыларының және қала ұстаздары  қауымдастығының мәжілісі  өткізілді.

Мәжілісте 2011-2012 оқу жылының қорытындысы шығарылып, оқу жылында атқарған жұмыс қорытындысы бойынша үздік білім ұйымдарын мадақталды   және келесі оқу жылына маңызды міндеттер айқындалды. 

Аяқталған оқу жылының қортындылары туралы қалалық білім бөлімінің бастығы Д.Ш. Жекебаев баяндама жасап, мектептердің барлық бағыттардағы жұмыс нәтижелерін жариялады. Мәжіліс барысында 2011-2012 оқу жылындағы білім ұйымдары рейтингісінің  қорытындысы бойынша үздік мектептер аталып, қалалық білім бөлімінің грамоталарымен марапатталды. Бірінші орындарға ие болғандар: инновациялық мектептер арасында - №101 мектеп-лицей;  жалпы білім беретін мектептер арасында - №17 ОМ; мектептке дейінгі ұйымдар арасында - «Алмагүл» балабақшасы, қосымша білім беретін ұйымдар арасында - балалар мен жеткіншектер Сарайы, сонымен қатар №44 негізгі мектеп және №91 ОМ  жанындағы  шағын-орталық.

Мәжіліс  соңында атқарған жұмыс үшін қала әкімі Б.Т. Әбдішев  №101 школе-лицейге, №93 гимназияға, №2  балалар музыка мектебіне алғыс хаттар мен 1 млн. теңгеге сертификаттырда  табыс етті және педагогтардың алдына келесі оқу жылына бірқатар міндеттерді қойды.