Астана қаласы әкімдігінің  Туристік ақпараттық  орталығы Қарағанды қаласы білім бөлімінің қолдауымен 2012 жылғы 14-15 маусымда Қарағанды мектептерінің 5-8 сыныптардың  22 оқушының Астана қаласына баруын ұйымдастырды.

Екікүндік экскурсия өскелең ұрпаққа патриоттық тәрбие беру, кішкентай қарағандылықтарды Астана қаласының тарихымен және назар аударарлық орындарымен таныстыру, сонымен қатар балалардың бос уақыттарын ұйымдастыру мақсатында өткізілді.

Экскурсия барысында балалар «Nazarbayev Университетіне», «Қазақ Елі», монументіне, «Атамекен» - Қазақстан картасы» этно-мемориалдық кешеніне, «Бейбітшілік пен келісім Сарайына», «Тәуелсіздік Сарайына», «Астана-Байтерек», монументіне, «Думан», «Хан Шатыр» ойын-сауықтыру орталықтарына және  астананың басқа назар аударарлық орындарға барды.

Экскурсия аяқталған соң балалар астанада  көргендерінен  алған  өздерінің  жағымды әсерлерімен  және қуаныш сезімдерімен бөлісті.

Қарағанды қаласының білім бөлімі Астана қаласы әкімдігінің  Туристік ақпараттық  орталығына Астана бойынша қызықты және танымды экскурсия үшін алғыс білдіреді.