2020 жылдың 28 ақпанында Қарағанды қаласының білім бөлімі және қалалық қазақ халық аспаптары әдістемелік бірлестігінің ұйымдастыруымен Қ.Аманжолов атындағы балар музыка мектебінде «Сарыарқа саздары» атты жас музыканттардың аймақтық байқауы өтті.
Байқаудың мақсаты: талантты балаларды анықтау және қолдау көрсету мен кәсіби бағдар беру, сонымен қатар оқытушылардың педагогикалық шеберліктерін жетілдіру.
Облысымыздың 10 аймағынан (Топар, Дубовка, Ағадыр кенті; Жаңаарқа, Осакаров, Ақтоғай, Қарқаралы, Бұқар Жырау аудандары; Абай, Шахтинск, Саран, Теміртау қалалары) 172 өтініш қабылданды.
Байқаудың домбыра, дәстүрлі ән, қобыз, қыл-қобыз, шертер, жетіген номинациялары бойынша 22 білім беру ұйымы қатысты.
10 қатысушы (түрлі номинация және жас ерекшеліктеріне сәйкес) – гран-при иегері, 14 қатысушы – I дәрежелі, 19 қатысушы – ІІ дәрежелі, 20 қатысушы – ІІІ дәрежелі дипломдармен марапатталды.
Авторство:
