25 ақпан күні Қарағанды қаласы білім бөлімінің әдістемелік кабинетінің жоспарына сәйкес № 68 мектеп-интернат базасында жаңартылған білім беру мазмұны аясында бастауыш мектепте тәжірибе алмасу мақсатында «Жаңартылған білім беру мазмұнын жүзеге асыру аспектісіндегі заманауи сабақ» тақырыбында семинар өтті.

     Семинардың жұмысын № 68 мектеп-интернат директорының орынбасары Толеутай Токеновна Бейсенбекова ашты. Өз сөзінде ол қатысушыларға мектеп-интернаттың құрылу тарихы мен жұмысы жайлы айтып, бастауыш сынып мұғалімдерімен таныстырып өтті. Мукашева Гульсым Габбасовна қалалық білім бөлімінің әдіскері заманауи сабақтың құрылымынын маңыздылығы туралы айтып берді.

     № 68 мектеп-интернат бастауыш сынып мұғалімдері заманауи сабақтағы пәнаралық байланысты жүзеге асыру жолдары, оқыту мен оқу үдерісін жақсарту мақсатында сабақтағы зерттеу жұмыс түрлері бойынша оқушылардың функционалдық сауаттылықтарын дамытуға бағытталған тақырыптық шебер-сыныптарын ұйымдастырды. Семинарға Қарағанды қаласы мектептерінің 71 бастауыш сынып мұғалімі қатысты.