Қарағанды қаласы білім бөлімінің бастамасымен 2012 жылғы 01 маусымдаХалықаралық балаларды қорғау күнін мерекелеу және осы мерекеге арналған «Біз - Қазақстан балаларымыз! Біз жаңа әлемде өмір сүреміз!» атты жалпықазақстандық акциясы аясында қаладағы 43 білім ұйымында мектепішілік лагерлердің  салтанатты  ашылуы өткізілді.

Балалармен  және  жасөспірімдермен жазғы уақытта жұмыс жасаудың мақсаты олардың  демалу, сауығу, бос уақыттарын ұйымдастыру үшін тиімді шарттарды  жасау, құқық бұзушылықтың алдын алу, балалардың арасында салауатты өмір салтын насихаттау болып табылады.

Ағымдағы жылдың жазғы айларында білім ұйымдарының мектепішілік және профильдік лагерьлерінде ыстық және буфеттік тамақтандырумен 28 мыңнан астам балалардың демалысы ұйымдастырылады. 

Мектепішілік лагерьлердің бағдарламасына әр түрлі іс-шаралардың өткізілуі, олардың ішінде шығармашылық және музыкалық конкурстар, қаланың мәдени-сауықтыру орталықтарына бару, демалыс орындарына, саябақтарға, кинотеартларға, хайуанаттар бағына экскурсиялар және басқалары енгізілді. Қалалық білім бөлімінің бастамасымен балалар мен жасөспірімдердің жазғы демалысын, сауықтыруын және бос уақытын ең үздік ұйымдастыру бойынша, мектеп алаңын абаттандыру және жасылдандыру жөніндегі «Жасыл алаң»  дәстүрлі қалалық конкурстар өткізіледі.  

Мектепішілік лагерьлердің ашылуында ата-аналар қауымдастығымен бірлесіп үлкен жұмыс атқарылды. Сондай-ақ, 2012 жылда ата-аналардың  сұранысын ескере отырып  №101 мектеп-лицейде, №93 гимназияда, №17, 77 мектептерде, №4 мектеп-интернатта балалардың лагерьде толық күн болуымен, яғни балалардың ұйықысын ұйымдастырумен мектепішілік лагерьлер ашылады. №77 мектептің  мектепішілік лагерінде балалар үшін бассейн жұмыс істейтін болды.