Қалалық білім бөлімінің жоспарына сәйкес «№25 ЖББОМ» КММ базасында 21.02.2020 жылы "Инклюзивті білім беру жағдайында ерекше білім беру қажеттіліктері бар  оқушылардың тұлғалық әлеуетін дамыту" тақырыбында қалалық семинар болып өтті.
          Семинар жұмысына қала мектептерінде инклюзивті білім беру тәжірибесін жүзеге асырып жатқан  логопедтер, дефектологтар және пән мұғалімдері қатысты.
          Осы мектептің педагогикалық ұжымы инклюзивті сыныптардағы жұмыстың ерекшеліктері, ерекше білім беру қажеттіліктері бар  балалармен жұмыста мұғалімдер қолданатын әдістер мен тәсілдер туралы, педагогтардың психологиялық-педагогикалық сүйемелдеу қызметі және ата-аналармен атқарылатын  жұмыстар  жайлы, Ресурстық орталықтың қызметі туралы, "Инклюзивті еріктілер мектебі"жобасына ерекше білім беру қажеттілігі бар оқушылардың қатысуы туралы ақпарат берді.
          Іс-шараға қатысушылар осы бағыттағы семинарлардың өзектілігін, "№25ЖББОМ» КММ  әкімшілік корпусы мен педагогикалық ұжымның  арасындағы үйлесімділікті атап өтті.
          Семинар қорытындысы бойынша инклюзивтік сынып мұғалімдерінің кәсіби қызметінде жеке стилінің қалыптасқандығын, қазіргі заманғы педагогикалық технологияларға деген өзгеше бір қарым-қатынас  байқалады деген қорытынды жасады. Сондай-ақ инклюзивті білім беруде  ерекше білім беру қажеттіліктері бар балалардың тұлғалық әлеуетін дамытуда жеткілікті жұмыс тәжірибесі де айтылды.