2020 жылдың 31 қаңтарында № 38 гимназиясында Қарағанды қаласының білім бөлімінің ұйымдастыруымен, Рухани жаңғыру бағдарламасы аясында, қазақтың бас ақыны, философ, аудармашы, композитор Абай (Ибрахим) Құнанбайұлының туғанына 175 жыл толуына орай «Әлем таныған - Абай» атты дөңгелек үстел өтті. Дөңгелек үстелдің мақсаты келер ұрпаққа ұлы ақынның шығармаларын насихаттау. Абайдың шығармашылығын танып өсуге тәрбиелеу. Дөңгелек үстелге қатысушы қонақтар ақын жайлы құнды мәліметтерді айтса, оқушылар қазақ  тілінде, орыс тілінде қара сөздерін, өлеңдерін жатқа оқыды. Филология ғылымдарының докторы, профессор, президент - Н.И.Букетова келген қонақтарға «Евней Букетов на земле и небесах» атты кітабын сыйға тартса, ақын Қайрат Асқаров «Абайға» атты өз туындысын тарту етті. Іс – шараны бірауыздан ақынның «Желсіз түнде жарық ай» өлеңімен қорытындылады.