«Ерекше білім беру қажеттілігі бар балаларды психологиялық және педагогикалық сүйемелдеу»

2020 жылдың 23 қаңтар күні Қарағанды қаласының білім бөлімі әдістемелік кабинеттің жоспарына сәйкес №27 ЖББОМ негізінде мектепке дейінгі, орта және арнаулы білім беру ұйымдарының педагог-психологтарына «Ерекше білім беру қажеттілігі бар балаларды психологиялық және педагогикалық сүйемелдеу» тақырыбында оқыту семинары өтті.

Семинар барысында №4 мектеп –интернат, №25 және №27 ЖББОМ педагог-психологтары ерекше білім беру қажеттілігі бар балаларды сүйемделеу бойынша алгоритм ұсынды

«Алмагүл», «Алпамыс», «Айналайын» бөбекжайларының педагог-психологары ерекше білім беру қажеттілігі бар балалармен жұмыс жасауға балабақша педагогтардың дайындығын қалыптастыру, отбасымен тығыз жұмыс жасау жұмысын ұйымдастыру мәселелерін кеңінен қарастырды.

Сонымен қатар коучинг барысында қатысушылар психологтың және психологиялық-педагогикалық сүйемелдеу қызметінің құжаттарын, сүймелдеу бағдарламасын құру жүйесін, балалармен түзету-дамыту жұмысын ұйымдастыру мәселелеріне кеңінен тоқталды.

Семинар қорытындысы бойынша қатысушылар осы бағытта жүйелі жұмысты ұйымдастыруда әдістемелік ұсыным әзірлеудің қажеттілігін атап өтті.