Қараша айының 30-ы күні сағат 11.00-де техникалық лицей ғимаратында орыс тілді мектептердегі қазақ тілі мен әдебиеті мұғалімдерінің «Қазақ әдебиетін оқытудың тиімді әдіс-тәсілдері» атты І қалалық фестиваль болып өтті. Фестивальға қаланың 12 мектебінен 18 мұғалім қатысты. № 16 мектептен 4 мұғалім, № 66 мектептен 2 мұғалім, № 95 гимназиядан 3 мұғалім қатысуға тапсырыс берді. Осы мектептердің әкімшілігі мен әдістемелік бірлестік жетекшілеріне алғысымды білдіремін.

Орындар келесідей бөлінді:

І орын – № 81 ОМ мұғалімі Қаламқас Сабыровна Құлболатова

ІІ орын - № 51 ОМ мұғалімі Лаура Сапарқызы Абзалбек № 16 ОМ мұғалімі Заказ Оспановна Базарбаева

ІІІ орынды № 33 ОМ мұғалімі Дина Кабаевна Сатыбалдина, № 30 ОМ мұғалімі Гүлпи Шамшиденовна Мубаракова, № 25 ОМ мұғалімі Бибігүл Зуфарқызы Саметова, № 95 гимназия мұғалімі Гүлмира Аманкелдиевна Мұхамедиева иеленді.

Жеңімпаздар мен қатысушылар Қарағанда қаласының білім бөлімінің мадақтаулары мен алғыс хаттарымен, қалалық кәсіподақ ұйымының бағалы сыйлықтарымен марапатталды. Жеңімпаздарды шын жүректен құттықтаймыз!!!

Оларға шығармашылық табыстар, денсаулық, талапты да дарынды оқушылар тілейміз.

Келесі фестиваль 2010 жылдың ақпанында болатыны, «Медиасабақтар фестивалі» деп аталатыны, қазақ тілінің мәселелерін көтеретіні хабарланады.

Хабарлама: Желтоқсанның 2-сі күні сағат 12.00-де қалалық интерактивті сабақ өтетінін хабарлаймыз. Сабаққа өз мектептеріңізде, 11 сынып оқушыларымен бірге қатысуларыңыз сұралады. Өз ойларыңыз бен жауаптарыңызды сабақ барысында байланысқа қосылып білдірулеріңізге болады.