Республикалық «Ақберен» байқауының қалалық кезеңі.
«Қарағанды қаласының білім бөлімі» ММ ӘК-нің  жоспарына сәйкес республикалық «Ақберен» байқауының қалалық кезеңі  №74 ЖББОМ базасында «Асыл сөз» айдарымен өткізілді.
Байқаудың мақсаты: Оқушыларының шығармашылық қабілетін, талантын, дарындылығын ашу, олардың әмбебаптық қабілеттеріне баса ден қою (ақындық, шешендік шеберлігі, әртістік, ұлттық аспаптарда ойнау т.б.).  Байқауға қалалық жалпы білім беретін мектептердің, гимназиялардың, лицейлерден (оқыту қазақ тілі) әр номинация бойынша 1 оқушыдан қатысты.  Байқау номинациялары 6 бағытта өткізіледі:
• Шешендік өнер (шешендік өнер тарихын білу, шешен сөйлеу, суырып салмалық );
• Көркемсөз оқу (поэзия, проза, драмалық шығармалардан үзінді);
• Эссе жазу;
• Ұлттық аспапта ойнау (домбыра, қобыз, жетіген т.б.);
• Ақындар айтысы («Абайдан - Алашқа» тақырыбында)
• Ақындар мүшәйрасы.
Қазылар алқасы байқауға төрелік жасай отырып, әділ бағалап шешімін шығарды.
Байқау жоғары деңгейде ұйымдастырылып, келген қонақтар мен оқушыларға толық жағдай жасалды. Жиын залдары мен оқу кабинеттері тақырыпқа сай, ұлттық нақышта безендірілді.
Қазылар шешімі бойынша әр номинация бойынша нәтижесі шығарылды және І орын алған оқушылар «Ақберен» байқауының облыстық кезеңіне жолдама алды.