Жыл сайынғы білім бөлімінің әдістемелік кеңесінің жоспарына сай Қазақстандағы Oxford University Press басылымының ресми өкілі ЖШС “InterPress Distribution” компаниясымен бірге, Қарағанды қаласы мектептерінің 2-4 сынып оқушылары арасында ағылшын тілінен жобалардың шығармашылық сайысы өткізіледі.

Биылғы жылы сайысқа өздерінің әртістік қабілеттерін, ағылшын тілінде презентацияларды ауызша жеткізе білу қабілеттерін және жеңіске деген үлкен жігерлерін көрсете білген 48 төменгі сынып оқушылары қатысты. Жеңімпаздар білім бөлімінің мақтау қағазымен және ағылшын тіліндегі кітаптармен марапатталды.