20.12.2019 жылы №59 жалпы білім беретін орта мектепте биология және химия пәні бойынша жас  мамандарға «Биология және химия сабақтарында модельдеу» тақырыбында қалалық семинар-практикумы өтті.

Қарағанды қаласының білім бөлім  әдіскері Л.Н.Саменова семинардың мақсаты мен міндеттерімен таныстырды.Жаңа оқу бағдарламасы бойынша моделдеу жұмыстарын орындау кезінде білім алушылар жоспарлау мен өз зерттеу сұрағына жауап табу мақсатында өзінің зерттеу жұмысын жүргізуді үйренеді деп ұсынды.

№1 гимназияның биология мұғалімі Ж.К.Мустафина модель жасаудын тапсырмалары туралы және жас мамандарға модель жасау арқылы шебер сынып өткізді.

№53 мектеп-лицейінің биология мұғалімі А.Б.Калыкова «Белсенді оқыту әдістерінің тиімділігі»атты шебер-сынып өткізді. Сабақтың әр кезеңінде нақты міндеттерді тиімді шешуге мүмкіндік беретін оқытудың белсенді әдістерімен бөлісті. Жас мамандар моделдеу туралы өз пікірлерін білдірді.