Білім бөлімінің жұмыс жоспарына сәйкес, 2019 жылдың 19 желтоқсан күні №3 гимназия базасында бастауыш сынып мұғалімдерінің әдістемелік бірлестіктерінің жетекшілеріне «Бірге оқимыз: білім берудің жаңартылған мазмұнын іске асыру жағдайында мұғалімнің әдістемелік сүйемелдеуі» тақырыбында семинар өтті.
Семинар мақсаты: жаңартылған білім беру мазмұны аясында бастауыш мектепте вариативті компонентті іске асыру бойынша тәжірибе алмасу.
Әдістемелік кабинет меңгерушісі Б. Абдикерова және бастауыш сыныптар әдіскері Г. Мукашева вариативті компонент бағдарламасының оқу кешенін құру алгоритмін ұсынды.
№3 гимназияның бастауыш сынып мұғалімдері Г.М.Абдисаматова, М. А. Меркулова, З. С. Абишева, Н. Н. Сейтжанова, А. К. Хамзина, А. Г. Вартанян шеберлік сабақтарын қызықты және әр түрлі әдістерде өткізді.
Семинарға қатысушылар функционалдық сауаттылықты, логикалық ойлауды дамыту бойынша тапсырмалар әзірлеуге қатысты, пікіралмасты және гимназиялық курсын дамытудағы өз тәжірибелерімен бөлісті.
Авторство:
