Қарағанды қаласының білім  бөлімі  өскелең ұрпаққа әскери-патриоттық  тәрбие беру мақсатында 2012 жылғы 18 сәуірде  қаланың Қазыбек би  атындағы ауданы білім ұйымдарының арасында Орталық саябақта «Ұлан» әскери-спорттық ойынның  финалын өткізді.

Ұлы Жеңістің 67-жылдығына арналған іс-шара қалалық білім бөлімі мамандарының, Қазыбек би атындағы ауданның қорғаныс істері жөніндегі  бөлімі, облыстық  ардагерлер  кеңесі  өкілдерінің  қатысуымен  өтті.  

Ойын қорытындысы  бойынша қатысқан 23 командалар  арасынан  әр  тапсырма: дене шынықтыру дайындығы, пневматикалық қарудан ату, саптық көрініс  және  т.б. бойынша жеңімпаздар анықталды. Жалпыкомандалық есеп бойынша 1 орынға - № 93 гимназия, 2 орынға - №101 мектеп-лицей, 3 орынға - №45 гимназия  ие  болды. 

Октябрь ауданының білім ұйымдары арасында  «Ұлан» ойынның финалы 2012 жылғы 25 сәуірде  өткізіледі.