Қарағанды қаласы білім бөлімінің ӘК жоспарына сәйкес 2019 жылдың  27 қарашасы күні Әлихан Бөкейхан атындағы №76  ЖББОМ-де көрнекті қоғам және мемлекет қайраткері, Алашорда автономиялы үкіметінің төрағасы, ғұлама ғалым, әрі шебер аудармашы – Әлихан Нұрмұхамедұлы Бөкейхан өмірі мен қоғамдағы қызметінің рөлін келешек жас ұрпаққа насихаттау мақсатында «Алаш Орда: Әлихан Бөкейхан және заманауи идеялар» қалалық зерттеу жұмыстары мен шығармашылық жобалар байқауы өтті.  Ашылу салтанаты мектеп оқушыларының патриоттық әнімен басталып, мектеп директоры Күзембаев Мартбек Кайркенович баяндама оқыды. Мектептің құрметті қонағы Е.А. Бөкетов атындағы ҚарМУ доценті, тарих ғылымдарының докторы, профессор, «Тұлғатану» ғылыми-зерттеу орталығының директоры Бейсенбекова Нұрсахан Ахметовна мектеп қорына Әлихан Бөкейхан еңбектері жинағының 15 кітабын сыйға тартты. Қалалық білім бөлімінің әдіскері Балмаганбетова Шолпан Шаймерденовна байқаудың өту ережесімен таныстырып өтіп, қатысушыларға  сәттілік тіледі.Ережеге сәйкес зерттеу жұмыстары мен шығармашылық жобалар«Алаш» партиясының тәуелсіздік идеясы және оның қазіргі таңдағы маңызы, Алаш мұрасының зерттелуі және Алаштанушы ғалымдар, Алаш қайраткерлерінің экономикаға және мәдени-ағарту ісіне қосқан үлесі, олардың қазіргі заманғы Қазақстан үшін өзектілігі,Ә.Бөкейханның саяси-құқықтық идеяларының Қазақстан үшін маңызытақырыптарындағы  төрт бағыт бойынша қорғалды.

    Байқауға барлығы  40-тан астам жұмыс келіп түсті.  Жұмыстардың барлығы 2- кезеңге өтті.  Байқаудың нәтижесі осы көрсетілген төрт бағыт бойынша әділқазылардың шешімі арқылы  шығарылды.