Қарағанды қаласы білім бөлімінің бастамасымен 2012 жылғы 17 сәуірде «Думан» балабақшасында «Ашық есік күні» өткізілді.

    Қалалық білім  бөлімінің басшылығы  мен  мамандарының, мектепке дейінгі ұйымдар басшыларының, дефектолог-мұғалімдердің қатысуымен өткен іс-шара барысында мүмкіндіктері шектеулі балалармен жұмыс жасаудың  ерекшеліктері туралы ақпараттар тыңдалды. «Думан» балабақшасындағы офтальмологиялық кабинетте көз қабілеті бұзылған балаларды емдеуге  арналған құрылғы ұсынылды. Сонымен қатар, іс-шараға қатысқандарға  тренажерлар  мен  емдеу  құрылғылардың  әрекеттері  көрсетілді.