Мұғалім мамандығының мәртебесін көтеру, қосымша білім беретін талантты  педагогтарды  анықтау,  оларды  қолдау,  сонымен  қатар педагогикалық  шығармашылықты  және мұғалімдер еңбегін  бағалау  мақсатында  Қазақстан  Республикасы  білім  және  ғылым  министрлігінің қолдауымен қосымша білім беретін Республикалық оқу-әдістемелік  орталығы  «Қазақстанның  қосымша  білім  беру  жүйесіндегі  100  танымал есім»  атты  республикалық  интернет-конкурсын  өткізді.

Конкурсқа қатысу үшін жұмыс тәжірибесінен материалдарды, өзінің педагогикалық  жұмысының концепциясын,  ғылыми мақалаларды ұсынуы  шарт  болды.

Аталған конкурстың  жеңімпаздары  болып  танылғандар:  Алтынбекова Ш.Д., балалар  мен жеткіншектер  Сарайының  директоры;  Мажитов М.К., №2 өнер  мектебінің директоры;  Кравцова И.Д., балалар мен жеткіншектер Сарайы оқушылардың  ғылыми  шығармашылығы  бөлімінің меңгерушісі, Махмутова Л.Л., жас натуралистер станциясы директорының  орынбасары.

Конкурс бойынша кітап шығарылды, оның электронды нұсқасы www.ziyatker.kz сайтында  орналасқан.

Қарағанды  қаласының  білім  бөлімі  конкурстың  жеңімпаздарын  құттықтайды  және әріптестерге  өскелең  ұрпақты  тәрбиелеу  ісінде  жаңа  табыс  тілейді.