2019 жылдың 30 қазан мен 1 қараша аралығында Қарағанды қаласының білім бөлімі   "Қуаныш"   бөбекжайы" КМҚК, "Шаңырақ" бөбекжайы" КМҚК, "Алтын сақа" бөбекжайы" КМҚК базасында  мектепалды даярлық топтың тәрбиешілеріне арналған  семинар-практикум өткізді.  Семинарға 60-тан аса мектепалды даярлық топ тәрбиешілері қатысты. Семинардың негізгі мақсаты мектепалды даярлық тобындағы  оқыту -тәрбиелеу  жүйесінің ерекшеліктері туралы  білімдерін кеңейту және бекіту. Тәрбиешілерге педагогтің  қызметін мотивациялау,  "Окно  Джо-Хари"-дың  жеке тұлғаның даму бейнесі туралы әдістемелік презентация және әртүрлі жоба түрлерін жасауға арналған ойлау карта үлгілері ұсынылды.  Педагогтерге  мектепалды жастағы  балалардың білім мен іскерлік мониторингін,  циклограмма,  перспективалық жоспарлауды жасау жолдары көрсетілді.  Жоба қызметі барысында тәрбиешілер өз іс-тәжірбиесінде қолдана алатын топтық,  шығармашылық шағын  жобалар әзірледі.  Семинар 3-2-1 рефлексия  бойынша қорытындыланды,   семинар барысында шешілген мәселелер мен сұрақтар көрсетіліп жазылды.