Қарағанды қаласы білім бөлімінің жұмыс жоспарына сәйкес, 2012 жылғы 28 наурызда № 101 мектеп-лицейдің негізінде Қазыбек би және Октябрь аудандарының білім беру  қызметкерлерінің кәсіподақ ұйымы төрағаларының қатысуымен білім ұйымдары басшыларының мәжілісі өтті.

   Мәжілістің күн тәртібіне сәйкес, тарих пәнінің оқытылу жағдайы, балаларға қатал қарауды болдырмау бойынша алдын-алу жұмыстарын ұйымдастыру, сонымен қатар «Жеке және заңды тұлғалардың өтініштерін қарастыру тәртібі туралы» Қазақстан Республикасы заңының орындалуы бойынша Қарағанды қаласының білім ұйымдарындағы атқарушылық тәртіп мәселелері қарастырылды.

    Сонымен қатар, мәжілісте «Білім ұйымдарын мемлекеттік аттестаттау тәртібін бекіту туралы» және «Білім беру қызметіне қойылатын лицензиялау тәртібін және біліктілік талаптарын бекіту туралы» Қазақстан Республикасы Үкіметінің қаулысын орындау туралы ақпарат берілді.