2019 жылы 27 қыркүйек күні инклюзивті білім берудің Ресурстық орталығында «Жалпы білім беретін мектепте инклюзивті білім беруді жүзеге асырудың ерекшеліктері» атты  қалалық семинар өтті.
Семинарға қала мектептерінде ерекше білім беруді қажет ететін  оқушылармен жұмысты жетекшілік ететін, директордың орынбасарлары қатысты.  
         Семинар жетекшілері:  Заблоцкая И.С. – «№27 ЖББОМ» КММ директордың инклюзивті білім берудің Ресурстық орталығы бойынша орынбасары, Гурьева С.В.- мұғалім –дефектолог, мұғалім-логопед, Молдабаева Ж.С.-  «№66 мектеп –лицей» КММ директордың ОТІ жөніндегі орынбасары, Сатмолдина Г.Н. -«№18 ЖББОМ» КММ директордың ОТІ жөніндегі орынбасары.
         Семинар барысында инклюзивті білім берудің негізгі ұғымдары мен қағыдалары, Қазақстан Республикасында ерекше білім беруді қажет ететін  балаларға қатысты нормативті –құқықтық базасы, инклюзивті қағидаларға сәйкес мектептің даму мәселелері, сонымен қатар ерекше білім беруді қажет ететін  оқушыларды психологиялық-педагогикалық сүйемелдеу бағдарламасын жүзеге асыру туралы мәселелер қарастырылды.  
        Семинарға қатысушылар тақырып бойынша талқылауда  белсенділік танытты, инклюзивті тәсілдерді   білім беру жүйесінде іске асыруда білім беру қажеттілігін зерделеуге бағытталған сауалнамаға қатысты. Семинарға қатысушыларға арналған тақырыпқа сәйкес ресурстық материалдар бойынша жүктеу аймағы ұйымдастырылды