Қарағанды қаласы білім бөлімінің ұйымдастыруымен «Аққу» балабақшасында мектепке дейінгі ұйымдардың басшылары үшін «Мектепке дейінгі балалардың салауатты өмір салтын қалыптастыру бойынша «Аққу» балабақшасының  қызмет  жүйесі»  тақырыбында «Ашық есік күні»  өткізілді.

    Іс-шара барысында «Аққу» балабақшасы жұмыс жүйесінің презентациясы және «Біздің  дәстүріміз - салауатты болу!» атты  балабақша  бағдарламасы  назарға ұсынылды.

    Мектепке дейінгі ұйымдардың басшыларына дене тәрбиесі мен валеология, сонымен қатар балаларға жүзу тәсілдерін үйрету бойынша оқыту сабақтары көрсетілді.

    Іс-шараға Қарағанды қаласы білім бөлімінің бастығы Д.Ш.Жекебаев, Қарағанды қаласы білім бөлімі бастығының орынбасары Р.А.Кенешова, жалпы және орта білім беру секторының меңгерушісі Ғ.С. Карисова, әдістемелік кабинеттің меңгерушісі Н.В.Головина, білім бөлімінің әдіскері Н.К. Қожахметова  қатысты.