Білім беру ұйымдарын жаңа оқу жылына сапалы дайындау – азаматтарға сапалы білім беру қызметтерін ұсыну мен балалардың толық қамды дамуы үшін жағдай жасаудың басты құрамдас бөлігінің бірі болып табылады. Жыл сайын мектептерді дайындау кезінде басты бағыт күрделі және ағымдағы жөндеу жұмыстарын белгіленген мерзімде аяқтау және оларды жылу маусымына дайындау болып табылады.    

Қарағанды қалалық мәслихатының 24.12.2018 жылғы кезекті ХХХІІІ сессиясының № 353 шешімімен күрделі және ағымдағы жөндеуге қалалық бюджеттен 550 млн.теңге бөлінді, оның ішінде күрделі жөндеуге 434 млн.теңге, сонымен қатар 20 білім беру мекемелеріне мемлекеттік сараптама алу үшін 16 млн.теңге және ағымдағы жөндеуге 100 млн.теңге, жалпы қажеттілік 3 млрд.853 млн.теңгені құрайды.  

Сонымен қатар Республикалық бюджеттен (трансферттер) күрделі жөндеу жүргізуге 211, 131 млн.теңге бөлінді. 

2019 жылы Қарағанды қаласы бойынша 23 нысанда күрделі жөндеу жұмыстарын жүргізу қарастырылған, олардың ішінде 17 нысан ЖБ, 6 нысан РБ. Ағымдағы жөндау жұмысы 14 білім беру мекемесінде жүргізу қарастырылған.

Желілік кестеге сәйкес жөндеу жұмыстарының барлық түрі 15.08.2019 жылы аяқталатын болады.