«Болашаққа бағдар: рухани жаңғыру» бағдарламасын жүзеге асыру және мектеп оқушылары арасында Абай, Шәкәрім шығармаларын насихаттау, ұлылар поэзиясына, рухани мұрасына деген сүйіспеншілікке тәрбиелеу мақсатында  мектеп оқушылары арасында өткізілген республикалық XХ Абай оқуларының облыстық кезеңі 16 мамыр өтті. Қарағанды облысы білім басқармасының басшысы Е.Иманғалиев қатысушылар мен қонақтарды аталмыш мерейтоймен құттықтап, сәттілік тіледі.  Алты  номинация бойынша Қарағанды қаласы мектептерінен  5 оқушы қатысты. Нәтижесінде, 4 номинация бойынша оқушылар жүлделі орындарға ие болып, екі оқушы республикалық кезеңге жолдама алды.
«Өлең – сөздің патшасы, сөз сарасы» номинациясы бойынша  № 61 ЖББОМ 9-сынып оқушысы Мұрат Дильназ жүлделі  І орынды;
 «Жүйріктен жүйрік озар жарысқанда» номинациясы – оқушылардың өз шығармаларын орындауда  Ахмет Байтұрсынұлы атындағы №41 мектеп-гимназиясының 9-сынып оқушысы Наурызбай Аятолла жүлделі ІІ орынды;
«Ұлылар әлемі» номинациясы – Абай және Шәкәрім еңбектерінен эссе жазуда  С.Саттаров атындағы №57 лицейдің 9-сынып оқушысы Шубаева Айгерім жүлделі ІІІ орынды;
«Абайдың қара сөздері» номинациясы бойынша  №61 ЖББОМ  9-сынып оқушысы  Скакова Нүргүл жүлделі І орынды иеленді.
Жүлделі 1 орын иегерлері № 61 ЖББОМ  9-сынып оқушылары Мұрат Дильназ, Скакова Нұргүл Республикалық Абай оқуларында сын қорғайды. Жүлдегерлер мен жетекшісі Торекелдина Дидар Карсыбековнаға сәттілік тілейміз!