2019 жылдың 13 мамырында Қарағанды қаласы білім бөлімі ӘК-нің,  Қарағанды облысы білім беруді дамытудың оқу-әдістемелік орталығының жоспарына сәйкес №93 гимназия» КММ  қазақ тілі мен әдебиеті пәні кафедрасының ұйымдастыруымен «Шығармашылық жұмыстар арқылы оқушылардың функционалдық сауаттылығын дамыту» тақырыбында облыстық семинар өткізілді. Семинарға Қарағанды облысы мен Қарағанды қаласы мектептерінен барлығы 56 мұғалім қатысты. Семинар барысында үш ашық сабақ көрсетіліліп, семинар тақырыбына сай дөңгелек үстел өткізілді. Сыныптан тыс жұмыс ретінде Сәкен Сейфуллиннің 125 жылдық мерейтойына арналған   «Сұңқар ғұмыр»  тақырыбындағы сахналық қойылым көрсетілді. Семинардың екінші бөлімінде Қазақстан Республикасының еңбек сіңірген қайраткері, «Дарын» сыйлығының лауреаты, айтыскер ақын Аманжол Әлтаевпен кездесу өткізілді. Кездесуге Қарағанды мемлекеттік университетінің профессоры, филология ғылымдарының докторы, айтыскер ақын Асанов Қойлыбай Дәулетқанұлы мен Е.А.Бөкетов атындағы Қарағанды мемлекеттік университетінің доценті, филология ғылымдарының кандидаты, айтыскер ақын Жұмағұлов Айтбай Ботпайұлы қонаққа шақырылды.  Екінші бөлімнің соңында Аманжол Әлтаев шығармашылығына бағытталған ғылыми жобалар байқауы өткізілді. Байқауға «№93 гимназия» КММ, «№92 гимназия» КММ, №57 МЛ, №68 МИ оқушылары қатысты. Кездесу соңында семинар қонағы Аманжол Әлтаев ғылыми жобалар сайысына қатысқан оқушыларға және өзіне арнау арнап өлең шығарған оқушыларға  естелік  ретінде кітаптарын сыйға тартты.