Семинар-практикум. «Заманауи білім берудегі Қ.Бітібаеваның педагогикалық тағылымы»
 Қарағанды қаласы білім бөлімі әдістемелік кабинетінің жоспарына сәйкес №25 ЖББОМ базасында қалалық семинар болып өтті. Семинарға №32 мектептің қазақ тілі мен әдебиеті пәні мұғалімдері Аубакирова Шұғыла Жаровна, Досанова Махаббат және №25 орта мектептің қазақ тілі мен әдебиеті пәні мұғалімдері Қабиева Тлеулес Серікқызы мен Раймбекова Әсем Есімханқызы панорамалық сабақтар үлгісін көрсетті.
Семинардың екінші кезеңінде өткізілген барлық ашық сабақтарға талдау жасалды. Мұғалімдер әріптестерінің ашық сабақ барысында қолданған Қ.Бітібаеваның әдіс-тәсілдерін тиімді деп тауып, оң бағаларын берді, топтық жұмыс барысында мұғалімдермен практикалық жұмыстар жүргізілді. Әдіскер Г.Б.Жаркеева және тәжірибелі ұстаз  Қабиева Тлеулес Серікқызы түсіндіру жұмыстарын жасады. Қ.Бітібаеваның технологияларына байланысты туындаған сұрақтарға тиісті жауаптар алған мұғалімдер, берілген тапсырмаларды талдап, іс жүзінде қолдана отырып, кездескен қиындықтарды талқыға салды.
Семинар қатысушылардың қызығушылығын қанағаттандыратындай интербелсенді режімде өтті.