2019 жылғы  2 сәуір  күні  №17 ЖББОМ базасында  қазақ тілі мен әдебиеті пәнінің мұғалімі Абеуова Жанат Сейтмұратқызының «Ұрпақ жыры» атты жыр жинағының тұсаукесер кеші  ұйымдастырылды. Тұсаукесер кешіне  Білім басқармасы жанындағы қоғамдық кеңес мүшесі, Қазақстан журналистер одағының мүшесі,ардагер ұстаз -  Әміртаев Тлеуғабыл Әміртайұлы., Е.А. Бөкетов атындағы ҚарМУ доценті, педагогика ғылымдарының кандидаты Қадірберлина Гүлпан Мүсірәлиқызы., «Өрлеу» БАҰО АК филиалы Қарағанды оьлысы бойынша ПҚБАИ аға оқытушысы Смағұлова Ғазиза Ғабдоллақызы қатысып, жылы лебіздерін білдірді.

Ақын -  ұстаз  Жанат Сейтмұратқызы киелі Ақтоғайдың тумасы. Осы білім шаңырағында 25 жылдай ұстаздық етіп келеді. Ақын – ұстазымыз шәкірт қана тәрбиелемей, өзге ұлт өкілдеріне тілді ғана үйретпей, оқушыларды өлеңдерімен ән өнеріне баулуда. Ақынның өлеңдерін №77 МБК ұстаздары дуэт боп шырқаса, оқушылар жырдан шашу шашты. Шығармашылық кеште ақын - ұстаздың  отбасылық естеліктерінен бейнефильм көрсетілді.

Ақын – ұстазымызға шығармашылық табыс, өлеңдерін сүйіп оқитын оқырмандары көп болсын деп тілек тілейік!