2019 жылдың 27 ақпан күні № 68 мектеп-интернат негізінде «Бастауыш сынып оқушыларының жазу сөйлеуін түзетудің инновациялық әдістері» семинар-практикумы өткізілді. Оған психологтар, бастауыш  сынып мұғалімдері , тәрбиешілер , логопед мұғалімдері қатысты.
          Аталған семинардың  осы бағытта педагогтердің  білімін жетілдіруде және практикалық жағын көтеруде  маңызы зор. Қатысушыларға дисграфияны анықтау диагностикасы мен түзетудің түрлері және графомоторлы дағдыларын дамытуға ұсыныстар жасалды.
          Семинар барысында инклюзивті сыныптардағы орыс, ағылшын және қазақ тілдерінен сабақтар үзінділері көрсетіліп ЕББКҚ балалармен жұмыс жасау әдіс-тәсілдері көпшілікке көрсетілді.
          Сонымен қатар осы мектептің педагог психологы психологиялық сергіту сәтін жасады.
          Семинар қорытындысы бойынша  қатысушылар мектеп әкімшілігі мен педагогтарға ұйымдастырылған тәжірибе алмасу шараларына алғысын білдіре отырып семинардың практикалық маңыздылығын атап өтті.