2019 жылдың 27 ақпаны күні  КМҚК «Шаңырақ» бөбекжайында  қалалық  әдістемелік кабинеттің жылдық жоспарына сәйкес  «Қазіргі таңда мектепке дейінгі жастағы балалардың сөйлеуін дамыту бойынша білім беру қызметін ұйымдастыру» тақырыбында қалалық семинар  өтті.  Семинардың басты мақсаты - педагогтардың  заманауи әдістемелік технологияларды  сауатты игеріп, мектепке дейінгі  тәрбиеленушілерге  тәрбиелеу-оқыту процесін  тиімді ұйымдастыру арқылы олардың жан-жақты  дамуына,  тілдік-құзыреттіліктерін  белсенді арттыруға,  тіл мәдениетін қалыптастыруға ықпал ету болып табылады.   Теориялық бөлімде, «Шаңырақ» бөбекжайының әдіскері Сагитова А.С «Қазіргі таңда мектепке дейінгі жастағы балалардың сөйлеуін дамыту бойынша білім бер қызметін ұйымдастыру»  және «Алтын сақа» бөбекжай тәрбиешісі Горобец О.В. «Новые подходы воспитателя в ОУД по разделу «Развитие речи»»  тақырыбында  баяндама оқып,   жалпы сөйлеуді дамыту, оның  негізгі бағыттарына, міндеттеріне  және әдістеріне  тоқталып өтті. Педагогтармен практикалық жұмыста «Шаңырақ» бөбекжайының педагогтары қазақ тілі мұғалімі Сауғабаева Ж.К. «Лэпбокс» әдісін (жинақтау жұмысы), орыс тілі мұғалімі Кәрімқызы Н. «Сказкатерапия» әдісін және  логопед Жунусбекова Б.Н. «Жаңа пәтерге көшеміз»  атты дидактикалық ойын әдісін  көрсетті.