«Ақын – елдің ардағы»  жыр кеші.

Қарағанды қаласы білім бөлімі әдістемелік кабинетінің жылдық жоспарына сәйкес  27 ақпан №86 ЖББОМ базасында «Жыр Жалын» поэзия клубының шығармашылық есебі беріліп, Жазушылар Одағының мүшесі, «Дауыс» жыр жинағының авторы жерлес ақын Қайрат Асқардың  шығармашылығына арналған «Ақын – елдің ардағы» атты жыр кеші болып өтті.
Шара аясында Елбасының «Туған жер» бағдарламасына сәйкес туған өлкемізден түлеп ұшып, ел мақтанышына бөленген ақындарға арналған зал ашылды. Залдың ашылу рәсіміне ақын Серік Ақсұңқарұлы, Қайрат Асқар, Шалқар Жәлел және Астана қаласынан арнайы келген журналист, аудармашы Қашқынов Ернат Мелісұлы қатысып, ізгі тілектерін білдірді.  
Шараның екінші бөлімінде 2017 жылдың  14 сәуірінде «Рухани жаңғыру» бағдарламасына сәйкес «Оқу шаттығы» жобасы аясында құрылған «Жыр - Жалын» поэзия отауының оқушыларының қатысуымен  жерлес ақын Қайрат Асқардың  шығармашылығына арналған «Ақын – елдің ардағы» атты жыр кеші жоғары дәрежеде өтті. Кеште ақынның сөздеріне жазылған әндері де шырқалды.
Поэзия кешінің соңында ақын Қайрат Асқардың өнердегі ұстазы, алаштың айтулы ақыны Серік Ақсұңқарұлы жырдан шашу шашты.